നിങ്ങളുടെ ജിമെയിലില്‍ നിന്ന് തന്നെ പിഡിഎഫ് രേഖ വേഡ് ഫോര്‍മാറ്റിലേക്ക് മാറ്റാനും അത് എഡിറ്റ് ചെയ്യാനും സാധിക്കും.
ലോക്ക്ഡൗണ്‍ കാലത്ത് വീട്ടിലിരുന്ന് ജോലി ചെയ്യുന്നവരാണ് പലരും. ജോലി സംബന്ധമായ ആവശ്യങ്ങള്‍ക്ക് ലഭിക്കുന്ന കത്തുകളും, ഔദ്യോഗിക രേഖകളും മിക്കപ്പോഴും പിഡിഎഫ് ഫയല്‍ രൂപത്തിലാണ് ഉണ്ടാവാറ്. എന്നാല്‍ പിഡിഎഫ് ഫയലുകളിലെ പിഴവുകള്‍ തിരുത്താന്‍ എളുപ്പമല്ല. അതിന് അത് വേഡ് ഫയലായി കണ്‍വേര്‍ട്ട് ചെയ്യേണ്ടതുണ്ട്.
പിഡിഎഫ് ഡോക്യുമെന്റിനെ വേഡാക്കി മാറ്റാന്‍ നിരവധി ഓണ്‍ലൈന്‍ വെബ്‌സൈറ്റുകളുണ്ട്. ഇംഗ്ലീഷ് ഭാഷയിലുള്ള പിഡിഎഫ് രേഖകള്‍ ഈ വെബ്‌സൈറ്റുകളില്‍ വേഡ് ആക്കി മാറ്റാന്‍ എളുപ്പമാണെങ്കിലും മലയാളം ഉള്‍പ്പടെയുള്ള പ്രാദേശിക ഭാഷകള്‍ പിഡിഎഫില്‍ നിന്നും വേഡിലേക്ക് മാറ്റുക സാധാരണ പിഡിഎഫ് കണ്‍വേര്‍ട്ടര്‍ വെബ്‌സൈറ്റില്‍ അത്ര എളുപ്പമല്ല.
എന്നാല്‍ നിങ്ങള്‍ക്ക് നിങ്ങളുടെ ജിമെയിലില്‍ നിന്ന് തന്നെ പിഡിഎഫ് രേഖ വേഡ് ഫോര്‍മാറ്റിലേക്ക് മാറ്റാനും അത് എഡിറ്റ് ചെയ്യാനും സാധിക്കും. അതെങ്ങനെയാണെന്ന് നോക്കാം.
-
ഇമെയിലില്‍ ലഭിക്കുന്ന പിഡിഎഫ് ഫയലുകള്‍ ജിമെയിലില്‍ നിന്ന് തന്നെ തുറക്കുക.
-
തുറന്നുവരുന്ന ഡോക്യുമെന്റിന് മുകളിലായി ഓപ്പണ്‍ വിത്ത് ഗൂഗിള്‍ ഡോക്‌സ് എന്ന ബട്ടന്‍ കാണാം. അതില്‍ ക്ലിക്ക് ചെയ്യുക.
-
അപ്പോള്‍ ഒരു പുതിയ വിന്‍ഡോയില്‍ ഗൂഗിള്‍ ഡോക്‌സ് തുറന്നുവരും. നിങ്ങള്‍ നല്‍കിയ പിഡിഎഫ് രേഖയിലുണ്ടായിരുന്ന ഉള്ളടക്കം ഇവിടെ നിന്നും എഡിറ്റ് ചെയ്യാം.
-
വേണ്ട മാറ്റങ്ങള്‍ വരുത്തി അത് വീണ്ടും പിഡിഎഫ് ഫോര്‍മാറ്റിലേക്ക് തന്നെ സേവ് ചെയ്യാനും വേഡ് ഫോര്‍മാറ്റില്‍ സേവ് ചെയ്യാനും സാധിക്കും.
-
മലയാളം ഉള്ളടക്കങ്ങളാണെങ്കില്‍ ഗൂഗിള്‍ ടൈപ്പിങ് ഇന്‍പുട്ട് ഉപയോഗിച്ചോ ടൈപ്പ് ഇന്‍ പോലുള്ള സോഫ്റ്റ് വെയര്‍ ഉപയോഗിച്ചോ ഗൂഗിള്‍ ഡോക്‌സില്‍ നിന്ന് തന്നെ വേണ്ട മാറ്റങ്ങള്‍ വരുത്താനാവും. ഇത് കോപ്പി ചെയ്‌തെടുത്ത് നിങ്ങള്‍ക്ക് ആവശ്യമുള്ളിടത്ത് പേസ്റ്റ് ചെയ്യുകയും ആവാം.
കംപ്യൂട്ടറില്‍ സേവ് ചെയ്ത് വെച്ച പിഡിഎഫ് എങ്ങനെ വേഡ് ആക്കാം.
-
അതിനായി ഗൂഗിള്‍ ഡോക്‌സ് (Google Docs) തുറക്കുക.
-
ബ്ലാങ്ക് ഫയല്‍ ഓപ്പണ്‍ ചെയ്യുക ഫയല്‍-ഓപ്പണ്‍- അപ്പ് ലോഡ് തിരഞ്ഞെടുക്കുക.
-
നിങ്ങള്‍ക്ക് കണ്‍വേര്‍ട്ട് ചെയ്യേണ്ട പിഡിഎഫ് തിരഞ്ഞെടുത്ത് ഓപ്പണ്‍ ചെയ്യുക.
-
അപ്പോള്‍ പിഡിഎഫ് ഫയല്‍ തുറന്നുവരും.
-
അതില്‍ മുകളിലായി ഓപ്പണ്‍ വിത്ത് ഗൂഗിള്‍ ഡോക്‌സ് എന്ന് കാണാം. അത് തിരഞ്ഞെടുക്കുക.
-
അപ്പോള്‍ നിങ്ങള്‍ നല്‍കിയ പിഡിഎഫിലെ ഉള്ളടക്കങ്ങള്‍ എഡിറ്റ് ചെയ്യാന്‍ കഴിയുന്ന വിധത്തില്‍ ഗൂഗിള്‍ ഡോക്‌സില്‍ കാണാം.
-
വേണ്ട മാറ്റങ്ങള്‍ വരുത്തിയതിന് ശേഷം ഇത് ഗൂഗിള്‍ ഡോക്‌സില്‍ നിന്ന് തന്നെ വേഡ് ആക്കി സേവ് ചെയ്യുകയോ പിഡിഎഫ് ആക്കി സേവ് ചെയ്യുകയോ ചെയ്യാം.
മൈക്രോസോഫ്റ്റ് വേഡിന് സമാനമായി ഗൂഗിള്‍ നല്‍കുന്ന സേവനമാണ് ഗൂഗിള്‍ ഡോക്‌സ്. മൈക്രോസോഫ്റ്റ് വേഡില്‍ ചെയ്യുന്ന കാര്യങ്ങള്‍ എല്ലാം തന്നെ ഗൂഗിള്‍ ഡോക്‌സിലും സാധ്യമാണ്. ഇത് കൂടാതെ എക്‌സലിന് സമാനമായുള്ള ഗൂഗിള്‍ ഷീറ്റും പവര്‍പോയിന്റിന് സമാനമായുള്ള ഗൂഗിള്‍ സ്ലൈഡും ലഭ്യമാണ്.
No comments:
Post a Comment