ചിത്രങ്ങൾ മാത്രമല്ല വിഡിയോകളും ഇനി ഈസിയായി മാറ്റാം. ഡെസ്ക്ടോപ് കമ്പ്യൂട്ടറിലോ, ലാപ്‌ടോപിലോ, മൊബൈൽ ആപ് ഉപയോഗിച്ചോ ഫെയ്‌സ്‌ബുക് ഫോട്ടോകളും വിഡിയോകളും ഗൂഗിൾ ഫോട്ടോസിലേക്ക് കൈമാറാവുന്നതാണ്.
പലർക്കും ഫെയ്സ്ബുക്കിൽ പല കാലത്തായി പോസ്റ്റ് ചെയ്തിരിക്കുന്ന ഫോട്ടോകൾ ഗൃഹാതുരത്വം നിറഞ്ഞതായിരിക്കയും. ഒരിക്കലും നഷ്പ്പെടരുത് എന്ന് ആഗ്രഹിക്കുന്നവയായിരിക്കും ഈ ഫോട്ടോകൾ. അങ്ങനെയെങ്കിൽ ഈ ഫോട്ടോകൾ മറ്റൊരു സ്ഥലത്തുകൂടെ സേവ് ചെയ്തു വയ്ക്കുന്നത് നല്ലതാണ്. പല സമയത്തായി ഫെയ്സ്ബുക്കിൽ പോസ്റ്റ് ചെയ്ത ചിത്രങ്ങൾ ഓരോന്നായി ഡൗൺലോഡ് ചെയ്ത് സൂക്ഷിക്കുന്നത് അല്പം ശ്രമകരമായ കാര്യമാണ്. ഇതിനൊരു പരിഹാരവുമായി ഫെയ്‌സ്ബുക്ക് തന്നെ രംഗത്തെത്തി.
ഇനി ഫെയ്‌സ്‌ബുക്കിലുള്ള നിങ്ങളുടെ ചിത്രങ്ങൾ നേരിട്ട് ഗൂഗിൾ ഫോട്ടോസിലേക്ക് മാറ്റം. ചിത്രങ്ങൾ മാത്രമല്ല വിഡിയോകളും ഇനി ഈസിയായി മാറ്റാം. ഫെയ്‌സ്‌ബുക്കിന്റെ സെറ്റിങ്സിൽ പോയി 'യുവർ ഫേസ്ബുക് ഇൻഫർമേഷൻ' സെക്ഷൻ തിരഞ്ഞെടുക്കുക. അതിനകത്തെ 'ട്രാൻസ്ഫർ എ കോപ്പി ഓഫ് യുവർ ഫോട്ടോസ് ഓർ വീഡിയോസ്' ക്ലിക്ക് ചെയ്യുക. തുടർന്ന് വെരിഫിക്കേഷനായി നിങ്ങളുടെ ഫേസ്ബുക് പാസ്സ്‌വേർഡ് നൽകുക. അതിനു ശേഷം വരുന്ന ഡ്രോപ്പ് ഡൌൺ ബോക്‌സിൽ ഗൂഗിൾ ഫോട്ടോസ് തിരഞ്ഞെടുക്കുക. ഫോട്ടോസ് ട്രാൻസ്ഫർ ചെയ്യുന്നതിന് മുൻപ് ഗൂഗിൾ ഫോട്ടോസിന്റെയും പാസ്സ്‌വേർഡ് ചോദിക്കും. ഇതും കൃത്യമായി നൽകിയാൽ ഫെയ്‌സ്‌ബുക്കിലുള്ള ചിത്രങ്ങൾ ഗൂഗിൾ ഫോട്ടോസിലേക്ക്മാറും.
No comments:
Post a Comment