ഉബുണ്ടു 18.04 ലെ വെബ് ബ്രൗസറുകൾ

മോസില്ല ഫയർഫോക്സ്, ക്രോമിയം, ഗ്നോം വെബ് (webഎന്ന പേരിൽ) എന്നീ മൂന്ന് വെബ് ബ്രൗസറുകളാണ് ഉബുണ്ടു 18.04 ഓപ്പറേറ്റിംഗ് സിസ്റ്റത്തിൽ ഉൾപ്പെടുത്തിയിട്ടുള്ളത്. Applications – Internet എന്ന മെനുവിൽ ഈ മൂന്നു വെബ് ബ്രൗസറുകളും സജ്ജീകരിച്ചിരിക്കുന്നു. 

 

ഫയര്‍ഫോക്സ് വെബ് ബ്രൗസര്‍ (Firefox Web Browser)

Firefox 65.0.1 അണ് ഈ പതിപ്പില്‍ ഡിഫോള്‍ട്ട് ആയി ഉള്‍പ്പെടുത്തിയിട്ടുള്ളത്. Firefox ന്റെ ഈ വേര്‍ഷനിലും‍ മെനുബാര്‍ ഹൈഡ് ചെയ്തിട്ടുണ്ട്. എന്നാല്‍ F10കീ അമർത്തി മെനുബാര്‍ ആക്ടിവേറ്റ് ചെയ്യാവുന്നതാണ്. കൂടാതെ അഡ്രസ്ബാര്‍ ഉള്‍പ്പെടുന്ന ഭാഗത്തിന്റെ അവസാനമുള്ള ഐക്കണില്‍ ക്ലിക്ക് ചെയ്താലും മെനുവിലുള്ള സൗകര്യങ്ങള്‍ ലഭ്യമാണ്. അഡ്രസ്ബാറിനു മുകളിലുള്ള ഒഴിഞ്ഞ സ്ഥലത്ത് റൈറ്റ് ക്ലിക്ക് ചെയ്ത് Menu Bar ല്‍ ടിക് നല്‍കി മെനു ബാര്‍ സ്ഥിരമായ് ഉറപ്പിക്കാം.

ക്രോമിയം വെബ് ബ്രൗസര്‍ (Chromium Web Browser)

ഗൂഗിളിന്റെ ഓപ്പൺ സോഴ്സ് വെബ് ബ്രൗസർ പ്രോജക്ടിൽ നിന്നാണ് ക്രോമിയം ബ്രൗസർ ഉണ്ടാവുന്നത്. ക്രോമിയത്തിന്റെ 71.0.3578.98 പതിപ്പാണ് ഉബുണ്ടു 18.04ൽ ഉള്‍പ്പെടുത്തിയിട്ടുള്ളത്. മറ്റ് വെബ് ബ്രൗസറുകളെ പോലെ ഇതിലും മെനുബാർ ദൃശ്യമല്ല. മൊബൈൽ ഫോണിൽ ഉള്ളതുപോലെ ഒരു Three dot menu അഡ്രസ്സ് ബാറിന്റെ അവസാനം കാണാം. ഇതിൽ ക്ലിക്ക് ചെയ്താൽ മെനു ദൃശ്യമാകുന്നതാണ്.

GNOME Web - വെബ് ബ്രൗസര്‍ (Web)

മുമ്പ് എപ്പിഫനി വെബ് ബ്രൗസർ (Epiphany web browser) എന്ന പേരിലാണ് ഇത് അറിയപ്പെട്ടിരുന്നത്. ലിനക്സ് ഓപ്പറേറ്റിംഗ് സിസ്റ്റങ്ങൾക്കുവേണ്ടി നിർമ്മിച്ചിട്ടുള്ള വളരെ ലളിതമായ ഈ വെബ് ബ്രൗസറാണിത്.

മറ്റ് വെബ് സോഫ്റ്റ്‍വെയറുകൾ

ഫയൽസില്ല (FileZilla)

ഫയൽ ട്രാൻസ്ഫർ പ്രോട്ടോകോൾ (FTP) ഉപയോഗിച്ച് വെബ്സെർവറിലേക്കും തിരിച്ചും ഫയലുകൾ കൈമാറാനുള്ള ക്ലയന്റ് സോഫ്റ്റ്‍വെയർ ആണ് ഫയൽസില്ല. FTPക്ക് പുറമെ SFTP, FTPS എന്നീ പ്രോട്ടോകോളുകളെയും ഫയൽസില്ല പിന്തുണക്കുന്നുണ്ട്. ക്രോസ് പ്ലാറ്റ്ഫോം സോഫ്റ്റ്‍വെയറായതുകൊണ്ട് ഏത് ഓപ്പറേറ്റിംഗ് സിസ്റ്റത്തിലേക്കും ഫയൽ കൈമാറ്റം സാധ്യമാണ്. ക്ലയന്റ്സോഫ്റ്റ്‍വെയറിനുപുറമേ ഫയൽസില്ല സെർവർ എന്ന പേരിൽ സെർവർ സോഫ്റ്റ്‍വെയറും ലഭ്യമാണ്. ഫയൽസില്ല ക്ലയന്റിന്റെ 3.28.0 പതിപ്പാണ് ഈ ഓപ്പറേറ്റിംഗ് സിസ്റ്റത്തിന്റെ കൂടെ ലഭ്യമാക്കിയിരിക്കുന്നത്.

സവിശേഷതകൾ

• സ്വതന്ത്രസോഫ്റ്റ്‍വെയർ

• IPv6 പ്രോട്ടോകോൾ സപ്പോർട്ട് ചെയ്യുന്നു.

• വ്യത്യസ്ത ടാബുകളിലായി ഒന്നിലധികം സെർവറുകൾ കണക്ട് ചെയ്യാനും ഫയലുകൾ കൈമാറാനും സാധിക്കുന്നു.

• സെർവറിലെയും ലോക്കലിലെയും ഡയറക്ടറികൾ ബുക്ക്മാർക്ക് ചെയ്യാനുള്ള സംവിധാനം

• ഫയൽനെയിം ഫിൽട്ടറുകൾ

• റിമോട്ട് ഫയൽ എഡിറ്റിംഗ്. സെർവറിൽനിന്നും ഫയൽ ഡൗൺലോഡ് ചെയ്യാതെ എഡിറ്റ് ചെയ്യാനുള്ള സൗകര്യം

• ക്രോസ്പ്ലാറ്റ്ഫോം. ഓപ്പറേറ്റിംഗ് സിസ്റ്റങ്ങളുടെ ആശ്രിതത്വം ഇല്ല.

ഫയൽസില്ല ഉപയോഗിച്ച് ലോക്കൽ നെറ്റ്‍വർക്കിൽ ഫയൽ ഷെയർചെയ്യുന്നവിധം

• രണ്ട് കമ്പ്യൂട്ടറുകൾ ഒരേ നെറ്റ്‍വർക്കിൽ കണക്ട് ചെയ്യുക.

• ഫയൽസില്ല ഓപ്പൺ ചെയ്ത് ഇനിപറയുന്ന ഫീൽഡുകൾ ശരിയായി പൂരിപ്പിക്കുക.

  1. Host : കണക്ട് ചെയ്യേണ്ട സിസ്റ്റത്തിന്റെ ഐ.പി അഡ്രസ്സ്

1. Username: കണക്ട് ചെയ്യേണ്ട സിസ്റ്റത്തിന്റെ username

1. Password: കണക്ട് ചെയ്യേണ്ട സിസ്റ്റത്തിന്റെ password

1. Port: 22

• തുടർന്ന് Quick connect എന്ന ബട്ടണിൽ ക്ലിക്ക് ചെയ്യുക.

• Remote site എന്ന ഭാഗത്ത് കണക്ടചെയ്ത സിസ്റ്റത്തിലെ ഫയൽസിസ്റ്റം തുറന്നുവന്നിരിക്കുന്നത് കാണാം.

• Local siteഎന്ന ഭാഗത്തുനിന്നും ഫയൽബ്രൗസ് ചെയ്ത് ഷെയർ ചെയ്യേണ്ട ഫയൽ സെലക്ട് ചെയ്യുക.

• Remote site ലെ ഫയൽബ്രൗസ് ചെയ്ത് ഫയൽ സേവ് ചെയ്യേണ്ട ഫോൾഡർ സെലക്ട് ചെയ്യുക.

• എന്റർ കീ അമർത്തുകയോ സെലക്ട്ചെയ്തുവച്ചിരിക്കുന്ന ഫയലിൽ റൈറ്റ് ക്ലിക്ക് ചെയ്ത് Upload ൽ ക്ലിക്ക് ചെയ്തോ ഫയൽ കൈമാറാം.
  

SOME BROWSING TRICKS .....

1. അബദ്ധത്തിൽ നിങ്ങൾ സന്ദർശിച്ചുകൊണ്ടിരുന്ന സൈറ്റ് Close ആയിപ്പോയാൽ Ctrl + Shift + T അമർത്തുക. പഴയ ടാബിലേക്കു മടങ്ങിയെത്താം.

2. സന്ദര്‍ശിച്ചുകൊണ്ടിരിക്കുന്ന സൈറ്റിന്റെ URL ഹൈലൈറ്റ് ആകാന്‍

Ctrl + L അമര്‍ത്തുക. പുതിയ ടാബിലേയ്ക്ക് ലിങ്ക് കോപ്പി ചെയ്യുന്നതിനും, സന്ദര്‍ശിക്കുന്ന സൈറ്റിന്റെ ലിങ്ക് മറ്റാര്‍ക്കെങ്കിലും ഷെയര്‍ ചെയ്യുന്നതിനായി കോപ്പിയെടുക്കുന്നതിനും സഹായകരമാണ്.

3. ഏറ്റവും എളുപ്പത്തിൽ screenshot എടുക്കാൻ print screen ബട്ടൺ അമർത്തുക.

4. ബ്രൌസര്‍ ഹിസ്റ്ററി സേവ് ആകാതെ ബ്രൌസ് ചെയ്യാന്‍

ക്രോം യൂസേര്‍സ് ബ്രൌസര്‍ ഓപ്പണ്‍ ചെയ്ത് CTRL + SHIFT + N പ്രസ്സ് ചെയ്യുക. ഫയർഫോക്സ് ഉപയോഗിക്കുന്നവര്‍ CTRL + SHIFT + P പ്രസ്സ് ചെയ്യണം.. ആപ്പോള്‍ വരുന്ന സീക്രട്ട് ബ്രൌസിംഗ് വിന്‍ഡോയില്‍ നിങ്ങള്‍ ഏതൊക്കെ സൈറ്റ് ഓപ്പണ്‍ ചെയ്താലും അത് ഹിസ്റ്ററിയില്‍ സേവ് ആകില്ല!

5. വെബ്‍ബ്രൗസറില്‍ പുതിയ ടാബ് ആരംഭിക്കാന്‍ Ctrl + T

6. വെബ്‍ബ്രൗസറിനെ നോട്ട്പാഡാക്കി മാറ്റാന്‍ പുതിയ ടാബ് തുറന്ന് അഡ്രസ്ബാറില്‍ ഇത് കോപ്പിചെയ്താല്‍ മതി. 

 data:text/html, <html contenteditable>

7. Ctrl + U അമര്‍ത്തിയാല്‍ സന്ദര്‍ശിക്കുന്ന പേജിന്റെ source code കാണാവുന്നതാണ്.